غطوني و صوطو

اخيرا و جدنا خلاصنا

"باراك حسين اوباما" 

وجدنا خلاصنا في رجل يخفي اسم والده المسلم

و نسينا ان الله لا يغير ما بقوم حتي يغيروا ما بانفسهم

و جدنا خلاصنا في ايد غيرنا 

و هل يصح اساسا ان تجتمع امريكا علي رجل يحب العرب او المسلمين

او حتي لا يكرههم !!!!!!!

الخلاص في ايدينا نحن فقط

احسبها صح تعيشها صح

شعار لزيز و حلو بس وراه كتير

مراة يقولك "متاضهاش ديليفري"        هو احنا لقيين العيش 

و مرة "الست اللي بترمي الدواء"          اصل فلوس بتقع من جيوبنا هو الناس لقيا الدواء

هو من الاخر عايز يجيب سبب كل المشاكل علي الناس

المعيشة مش هي اللي غليت انت اللي حمار و بتصرف كتير

انت لو مصرفتش و اكلتش ديليفري و معزمتش حد في بيتك و اشتريت دواء

هتعيش مبسوط و فرحان

و كمان محمود الجندي هيتبسط منك

المعارضة

المعارضة كلمة تطلق علي بعض من الناس
(لفترات زمنية طويلة)
هل هؤلاء خلقوا ليعارضو ام لم يان لهم الاوان ليايدوا
لم اسمع في دول العالم المتحضر هذه الكلمة
هناك حزب فائز و حزب يستعد للانتخابات القادمة
و كمان قال الرجل "الحديدي" علي المعارضة
"انتو عيزين ترجعونا 40 سنة لورا"
اصدو يقول اننا بنطلع لقدام-بامارت ايه-نفسي اعرف

الميكي ماوس 2

الفيديو اهو

الموضوع مش بسيط زي ما كنت فاكر اسمع الفيديو

و عايز اسمع تعليقات

ليلة القبض علي الميكي ماوس

افتي الشيخ السوري محمد المنجد "وفقه الله لكل صالح"
علي الهواء في قنات المجد
بقتل الميكي موس لما في الفار من نجاسة فلا يجوز عمله بمثل هذه الشخصية
(هي دي اهم حاجة ممكن نتكلم فيها اصل معندناش مشاكل متلتلة)
وسرعان متناقلتها القنوات الاخبارية الاجنبية عن مدي فظاعت العرب
حتي الشخصية الكرتونية التي تدخل البهجة علي الاطفال طالبو براسها
و مدا عنف هؤلاء المسلمون
ولا حول ولا قوة الا بالله

المصدر: قناة العربية الاخبارية

مش لازم

-مش لازم تكون لوحدك علشان تكون وحيد
-مش لازم تكون مفلس علشان تكون فقير
-مش لازم تكون فرحان علشان تكون بتتحك
-مش لازم تخبط راسك في الحيط علشان تكون مصدع
-مش لازم علشان تكتب بلوج تكون بتعرف تكتب
-مش لازم تبطل تكتب علشان محدش بيقرا
-مش لازم تحقق اللي انت عيزو حتي لو كان بين ايدك
واخيرا
-مش لازم تخنق علي الناس علشان انت مخنوق

!!!!!!!!!!!!!!!!!!!!!!!!!!!!!!!!!!!!

لما يكون الفن رسالة
و يعرض مشاكل المجتمع
ازاي بقي يساعد في نشر هذه المشاكل
؟؟؟؟؟؟؟؟؟؟؟
مثلا مثلا
في فيلم زبالة كده اسمو "كباريه"
بيعرض مشاكل الناس اللي في الكباريه
و الغناء البزيء اللي في الكباريه
دي رسالة
بس ازاي نفس تنزل الاغاني دي بعد كدة في شريط
هو انت بتعرض الحجات دي علشات تقول
"خلي بالكو دي وحشة" ==رسالة الفيلم
ولا انت مش عارف اصلا انت بتقول ايه

حريق القاهرة

"حدث بالفعل"
انا نازل في امان الله ميدان الجيزة اقابل واحد صحبي الساعة 6
اذ بيا الاقي صحابة تغطي كوبري عباس و تصل الي المنيب الدائري
الواد قالي "دي حريقة"
قولتلو "حريقة مين ده حريق القاهرة البلد بتولع"
قولنا احنا في مصر و الناس "فريندلي" -لازم اتكلم كلمتيمن انجليزي علشان يعرفو اني بافهم-
سالت واحد هو في ايه
قالي "ده بيت فلان بيولع" و انهمر في الضحك
و بصراحة هو قال اسم واحد بس انا عايز اربي عيالي
و تاكدت اني مش هوصل للحقيقة -كلو بيفتي-
و فجاة كانت المهزلة
طيارات هيليكوبتر تملا مية من النيل -عند كوبري عباس-
و تروح تتطفي الحريقة -اصل النيل في التحرير مش في المنهج-
المهم
زادني ده اصرار اعرف ايه اللي بيحصل
مشيت ورا الدخان و كل شوية اسمع كلام اغرب من اللي قابلو
لحد ما وصلت
مطافي اربع محافظات كاملة
و مطافي الخاصة بشركات البترول
و الهيليكوبتر
ولا الهوا جهنم الحمرا
و علي النقيد الناس مطلع الموبيلات و كانها بتصور السفارة الاسرائيلية وهي بتولع
وكان من ضمن المشاهد ان رئيس مكتب الجزيرة منع من التصوير
كل البلد يتصور جت عليه يعني ؟؟؟؟؟؟؟؟؟

كدة الموضوع خلص تاريبا

بس انا تخيلت مشهد هستيري كدة و الناس فرحنين
واحد يخرج من غرزة و هو مش شايف قدامة
و يروح علي الحريقة
وفي يده سجارة حشيش
و يقول للضابط
"ممكن اولع"

احجز مقعدك من الان

طبعا
ان بلدنا الحبيبة رايحة في داهية
و ده شىء يرا بالعين المجردة
ومن تبعات ذلك تلاشي الطبقة الوسطي
يعني مفيش ناس عايشة مستورين في بيت صغير
يكلو لحمة 3 ايام في الاسبوع
ولازم تحجز مقعدك
فان لم تكن غني
فللاسف
انت شحات لا تلقي قوت يومك
عمار يا مصر

خير اجناد الارض

القوات الجوية ...........يا كعبو كعبو


بكار في الحربية

في ظاهره الرحمة و في باطنة العزاب

ايه الكلام التخين ده
الواد الشايط ده شكلو هيورملنا دمغنا
من الاخر
"قانون المرور الجديد"
هو كان في قديم؟؟؟؟؟؟؟؟
طب يعني كان في قانون
طب ايه الفرق
ان الغرامات *3 او *4
يعني انا كان ممكن تدفع 50 جنية بكل سهولة راحو خلو الغرامة 300
كدة انت مش هتادر تدفع فتبقي كويس
و كان الناس فس منتهي الغني و الغرامات الاولة دي مش بتخوفهم
هو اللي يطبق القديم يطبق الجديد
لاكن
هما مش عيزين يصلحو
هما عيزين فلوووووووووووووووووس

في ظاهرة الرحمة و باطنة العزاب

المكروكروم هو الحل

قولي مونبي
انا ماشي علي الطريق الدائري
"accident certified road"
و لبست في مقطورة اللي السواق بتاعها كان طارب دوا حكة
و العربي اتشألبت خمس ست مرات زي الافلام الاجنبي بالضبط
و اكيد انا مش شوازنجر ولا عمو بوند علشان اطلع عندي خربوش فوق حاجبي الشمال

و هنا ياتي دور الشنطة بنت اللزينة "جامدة يعني" شنطة الاسعافات الاولية بتاعت المرور و اطلع المكروكروم و الشاش
و اعالج نفسي و اروح متهني
و لو مكنش معاك مكروكروم كان ممكن تموت يا غلبان
احمد ربك و اشكر قانون المرور الجديد

و اخيرا احب اغقول
المكروكروم هو الحل

الزمالكوية اتجننو

الزمالكوية اتجننو
و اخص بالذكر اللعيب الكبير و المذيع الفاشل
خالد الغندور
معندوش غير
هاني سعيد كلم الخصيب في التليفون
و قابل القيعي في الرحاب
و مش عارف مين رنلو و افل
و حد بعتلو


ناقص يقول في اخر الحلقة انهم سيلقو القبض علي هاني سعيد بتهمتة التخابر مع الخطيب
ربنا يهدي

السهم وحده يصيب الهدف

هدف
متاعب مشاكل
و لكي تصل لهدفك يجب ان يتخطي كل العقبات
ولكن
ازااااااي
السهم يصيب الهدف
1- رشيق
2 -مرن لح ما
3-راس مدببة قادرة علي مقاومة الهواء"المتاعب"
4-الثبوت في الهدف عند اصابته

ولكنه يحتاج لقوة دافعه

فعيلك اولا ان تكون سهما و عندها
ستصيب هدفك

اورني دوت كوم

دخلت اعمل
market research
و اشوف المواقع الناطقة بالعربية بتقدم ايه
و يرتني ما شوفت
نص الواقع رفعة الارايل
المواقع التي يمكن تسميتها "اورني دوت كوم"
كلها ولاد و بنات بيظبطو

و النص التاني عامل كلام كدة بينور و يطفي بالاحمر "صور نادرة لهايفة وهبي"
تدخل عليه يدخلك علي منتدي
و منتدي يدخلك علي منتدي
و خمسميت
pop up
يفتح و قابل يا عم

بس بصراحة الناس مكدبوش حطين فعلا صور هبلة

بس انا عرفت من سعتها ان مصادر الدخل في الوطن العربي زادت مصدر "هيفا وهبي"
فتحت بيوت ناس كتير

ليلة الامتحان

سبحان الله
يفتح علي من يشاء
يوم الامتحان تبقي قاعد تذاكر تلاقي نفسك بتفهم حجات لاول مرة
مع انك مذاكرها قبل كدة
و تقول يااااااااااااه
لو كنت فهمت من الاول
كان زماني حليت في (100 ترم ) و جبت درجات كويسة
ولكن ترجع تقول
الحمد الله اني فهمتها اصلا
و الا مكنتش حليت في الفينل كمان
الحمد لله

الناس دي بتعمل لعب صحيح بس متلعبش

كنت طول عمري اقول حلمي ان افتح مصنع لعب
بس مصنع بجد
و الناس ندحك عليا
اهبل ههههههه
هما معظورين اصلهم مشفوش اللعب الحقيقية

العصر الحجري

العصر الحجري ده مش عصر اديم ولا حاجة لان احنا لسة عيشين فيه
عقبال املتكو الريسيفر بتاعي خرب
و رجع -عود حميد- للقنوات الارضية
و شوية مسلسلات عجب
البخيل و انا , ابو العلا البشري , ,,,,,
يعني اجدد مسلسل من عشرين سنة
و طبعا كلو الا "حالة حمار"
اسف اصدي حالة حوار
و كفاية كدة النهاردة علشان انا اتفعت

عض قلبي ولا تعض "رغيفي"

صحي الصبح يصلي الفجر في الجامع
ابهو قالو روح هات بجنيه عيش قبل الزحمة
مكدبش خبر راح لقي طابور عريض و طويل
اعمل ايه يا واد استنة و خلاص
الطبور مش عايز يتحرك و العيش عما يخرج قدامة من برة برة
سال الناس ايه اللي بيحصل ده
واحد حجوز قالو "انت جاي بعد الفجر و عايز تاجد عيش"!!!!!!
قالولو دي الناس حاجزة من امبارح
؟؟؟؟؟ ايه ده هو بالحجز
ايوة تديلو القفس و هو يحطو في الدور و لما يجي الدور علي القفص بتاعك تخدو
(يا خسارة الوقت)
المشكلة التي تدور حولها الاحداث
بس انا معيش قفص انا معايا شنطة بلاستيك
"شنطة بلاستيك ايه و تحجز الدور ازاي"
"روح هات قفص و تعالا"
"عيب يا جماعة يعني مش هاكل عيش علشان مفيش قفص"
تدخل احد الحكمات
"خلاص يا جماعة نحط الشنطة في الدور "
بعد جدال عنيف وافقة جموع الناس علي هذا الحل
وعلي الساعة عشرة كدة جااااااب عيش

فيلم شهير طبعا ملوش لزمة بس كانت "رغيفي" هنا مجازية اي الرزق اولقمة العيش
بس في ايامنا هذة اصبحت بمعناها الحرفي
و الحكاية دي عن قصة حقيقية والله لشخص اعرفة معرفة شخصية

Live is Business

لاول وهلة كلو قال ده هيفتي و هيتكلم في البيزنس
انا فعلا هفتي بس مش في البيزنس في الحياة
ديما تلاقي الليدر (leader) الكويس يكون اب كويس
و الناجح في التسويق تلقيه محبوب اوي لانو شاطر او مكروه اوي لانو كذاب
ولازم تخلق من كل فشل تحدي
ومن كل "شلوت" تدفعة للامام
ومن كل "شخبطة" تخطيط للمستقبل
المسيطر اقتصاديا مسيطرا سياسيا
و يجب ان تمسك العصا و الجزرة معا
و تحكم كما لوكنت غير المحكوم عليه
واسمع الاخر حتي لو "فسساي" فلكل الكلام فائدة
و ان لم يطابق عملة فعلة "نفضلو"
خذ وقتك للحكم علي الناس وان كان ليس من حقك الحكم عليهم اصلا
حتي تنجح يجب ان تتوقع الفشل

و اخيرا و ليس اخر
اللهم مكن لنا في الارض و اجعلنا من الذين نجحو في الحياة و البيزنس

سفارة القاهرة في حلوان

عندما تم عمل حلوان و 6 اكتوبر محافظتين لتصبح المحافظات 28 بدل من 26
كان ذلك قرارمدروس و منظم و من ضمن هذه الدراسة
وجود المحكمة الدستورية علي كورنيش المعادي التابع لحلوان
وللاسف ينص الدستور علي وجودها في العاصمة و المعادي اصبحت غير تابعة للعاصمة
ممممممممم
باصبح هذا الجزء فقط من الاراضي الحلوانية تابع للقاهرة
و الذي يحيطه حلوان من جميع الجهات
فاصبح بمثابت سفارة للقاهرة في حلوان

TaTa

الشركة الجامدة جدا tata
دي شركة سيارات في الهند اتعملت مع شركة النصر للسيارات -ربنا ينصرها علي من يعديها-
دلوقتي من غير حسد ولا قر tata اشترت اجمد عربيتين في العالم
Jaguar & Land Rover
من غير ما تفتح باك و تسوط و تلم الناس لز مش مسدق ادخل و دور علي النت
يعني النصر للسيارات لو كل سنة بتعمل مسمار كان زمانها عملت العربية

الدعم "الجزء الاول"

انتو بتاكلو في قتة محلولة لسان حال الحكومة
احنا بندعم المحروقات بتشريليون جنية كل سنة و الاسعال العالمية (موضة اليومين دول) ارتفعة
و لازم تشترو الحاجة بسعرها الحقيقي منتو بتكسبو و مكنزين علي قلوبكو
و المواطن الاسرائيلي الغلبان محدود الدخل لازم نصدرلو الغاز الطبيعي ب دولار و نص لمدة عشرين سنة
و طز في السعر العالمي اللي هو 9 دولار للمتر المربع
واكيد الحاجة الوحيدة المدعمة للمصريين هي حرقة الدم مهي محروفات بردو
عمار يا مصر

فضفضة

انا بصراحة شايف البلوج ده من زاوية غريبة
انا كنت دايما باكتب علي yahoo 360
بس كانت بلوجات خنيقة شوية لاني كنت باكتبها من باب الفضفضة او التنفيس(محدش يفهم غلط)
و مكنتش بحط في دماغي مين هيقرا ولا انا ليه اصلا باكتبها علي النت ماكتبها علي ورق لهما حتي
منا في الاخر بنفس
و التنفيس بردو ليه اصول لان طول منت لوحدك بردو هتبقي مكبوت حتي لو كتبت و بتستريح لما تلاقي حد يحس بيك
و طلاما انت مش لاقي حد يحس بيك يبقي نكتب علي النت
مهو اكيد هتلاقي من الكام مليون المتحدثون بالعربية علي الانترنت حد يعطف عليك و يقرا الكلام الغنيق اللي هاكتبو
لان الكلام ساعات كتير مبيكنش يهم حد غيري انا
طولت عليكو
مش بقولوكو خنيق